कांग्रेस सांसद गुरुङको निलम्बन फुकुवा
बैशाख १२, २०८१ बुधबार
काठमाण्डाै – साढे १४ किलो चाँदी र आधा किलो सुन प्रकरणमा पक्राउ परेकाहरुमाथिकाे अनुसन्धानलाई तीव्र बनाइएको प्रहरीले जनाएको छ ।
नवलपरासी पूर्वबाट पक्राउ परेका तीन जना र काठमाण्डाैबाट पक्राउ परेका एक जनामाथि अनुसन्धान भइरहेको महानगरीय प्रहरी कार्यलयका सूचना अधिकारी तथा प्रहरी वरिष्ठ उपरीक्षक (एसएसपी) सुशीलकुमार यादवले जानकारी दिनुभयो । उहाँका अनुसार काठमाण्डाैबाट पक्राउ परेका कालिगड (चाँदीमा सुनको जलप लगाएर ढिक्का बनाउने) मनिष मल्लिकलाई भने तारेखमा छाडेर अनुसन्धान भइरहेको छ ।
नवलपरासी पूर्वमा पक्राउ परेका तीन भारतीय नागरिक देवान पटेल, विजय पटेल र निलेश सखियालाई काठमाण्डाै ल्याइएकाे छ । गएकाे मङ्गलबार महानगरीय प्रहरी वृत्तको टोलीले जाँच गर्दा बा ६ च ५५१९ नम्बरको स्कर्पियोबाट उनीहरु झोला फालेर भागेका थिए । झोलाबाट प्रहरीले साढे १४ किलो चाँदी, आधा किलो सुन र दुई वटा पेस्तोल फेला पारेको थियो ।
घटनाबारे चौतर्फी विवाद आएपछि महानगरीय प्रहरी कार्यालयले छानबिन गर्न समितिसमेत गठन गरेको छ ।