पहिरोको कारण भालुबाङ-रोल्पा सडकखण्ड अवरुद्ध : अरु ६ वटा सडक पनि ठप्प

साउन १९, २०७७ सोमबार ८:२१:४० | उज्यालो सहकर्मी

काठमाण्डौ - पहिरोको कारण भालुबाङ-रोल्पा सडकखण्ड अवरुद्ध भएको छ । प्युठानको सरुमारानी गाउँपालिका-४ मा आज बिहान पहिरो खस्दा यो सडकखण्ड अवरुद्ध भएको हो ।

पहिरो पन्छाउन पहल भइरहेको प्युठान प्रहरीले जनाएको छ । यस्तै पहिरोका कारण ४ दिनदेखि अवरुद्ध सुर्खेत-जुम्ला सडकखण्ड पनि सञ्चालनमा आएको छैन ।

दैलेखको घट्टेखोलामा पहिरो गएपछि यो सडकखण्ड बन्द भएको हो । साँफेबगर-मार्तडी सडकखण्ड पनि लामो समयदेखि बन्द नै छ ।

बुढीगङ्गा नदीले कटान गरेपछि अवरुद्ध यो सडकखण्ड खुल्न समय लाग्ने सडक विभागले जनाएको छ । पहिरोका कारण अवरुद्ध बेनी-जोमसोम-कोरोला सडकखण्ड पनि सञ्चालनमा आउन सकेको छैन ।

म्याग्दीको दाना र गलेश्वर क्षेत्रमा पहिरो खस्दा र बेलिब्रिज बगाउँदा यो सडकखण्ड गएको असार २६ गतेदेखि अवरुद्ध भएको हो । यस्तै पहिरोका कारण अवरुद्ध कान्ति लोकपथ पनि अझै सञ्चालनमा आएको छैन ।

ठाउँ-ठाउँमा पहिरो गएकाले महाकाली राजमार्ग अन्तर्गत सतबाँझ दार्चुला सडकखण्ड फेरि अवरुद्ध भएको छ । यो सडकखण्ड खुल्ने, बन्द हुने क्रम चलिरहेको छ । ठाउँ-ठाउँमा पहिरो गएकाले रसुवागढी नाका जोड्ने सडक पनि ठप्प छ ।

बन्द भएको सडक खुलाउने प्रयास भइरहेको सडक विभागले जनाएको छ ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्