काेराेनाकाे जाेखिम बढ्याे, असनदेखि टेकुसम्मको क्षेत्र सिल गरिने

साउन २३, २०७७ शुक्रबार १८:४०:५६ | उज्यालो सहकर्मी

काठमाण्डाै – काठमाण्डाैका मुख्य व्यापारिक क्षेत्र न्युरोड, असन, इन्द्रचोक र टेकु क्षेत्र सिल गरिने भएको छ । जिल्ला प्रशासन कार्यालय काठमाण्डाैले शुक्रबार राति १२ बजेदेखि लागू हुने गरी न्युरोड, असन, इन्द्रचोक र टेकु क्षेत्रलगायत व्यापारिक केन्द्र सिल गर्ने निर्णय गरेको हो ।

कोरोना सङ्क्रमण देखिएका स्थान र बस्ती वरपर सिल गर्ने गरी तयारी भइरहेको काठमाण्डाैका प्रमुख जिल्ला अधिकारी जनकराज दाहालले बताउनुभयो । यसअघि काठमाण्डाै महानगरपालिका २२ को वडा समिति, स्थानीय सङ्घ संस्था, व्यापारीलगायतको छलफलले तत्कालका लागि सबै पसल र कार्यलय बन्द गर्ने निर्णय गरेको थियो ।

केही व्यापारीमा कोरोना सङ्क्रमण पुष्टि भएसँगै न्युरोडको उत्तरी क्षेत्रका पसल र सबै कार्यालय बन्द गर्न भनिएको वडा नम्बर २२ का वडाध्यक्ष चिनिकाजी महजर्नले बताउनुभयो ।

पछिल्लाे केही हप्तायता काठमाण्डाै उपत्यका काेराेनाकाे उच्च जाेखिममा रहेकाे छ । पछिल्लाे २४ घण्टामा मात्रै काठमाण्डाै उपत्यकामा थप एक सय ६ जनामा काेराेना भाइरसकाे सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्