आन्दोलनरत ‘मिटर रिडरहरु’ आजदेखि काममा फर्के

कात्तिक ६, २०७५ मंगलबार ११:१९:३७ | शैलेन्द्र महतो

धनुषा – सेवा सुविधा वृद्धिको माग गर्दै आन्दोलनमा उत्रेका क्षेत्रीय विद्युत प्राधिकरण जनकपुर र विराटनगरका ‘मिटर रिडरहरु’ (विद्युतको मिटर चेक गर्ने कामदार) मंगलबारदेखि काममा फर्केका छन् ।

गएको असोज १६ गतेबाट आन्दोलनमा उत्रेका विद्युत प्राधिकरण अन्तर्गत काम गर्ने मिटर रिडरहरु तत्काल आन्दोलनलाई स्थगित गरी मंगलबारदेखि काममा फर्केका हुन् ।

उर्जा मन्त्रालय, विद्युत प्राधिकरण र प्राधिकरणसँग सम्बन्धित संघ–संस्थाहरु आफूहरुको मागप्रति सकारात्मक रहेको अश्वासन दिएकाले र महान चाडतिहार–दीपावली र छठपर्व समेत बीचमा परेको कुरालाई मध्यनगर गर्दै तत्काल आन्दोलनका सम्पूर्ण कार्यक्रम स्थागित गरी काममा फर्किने निर्णय लिएको मिटर रिडर संघर्ष समितका सचिव उज्वल झाले जनकारी दिनुभयो ।

ज्यालादारी सरह सेवा सुविधा पाउनुपर्ने लगायतको पाँच सुत्रीय माग राख्दै विद्युत प्राधिकरण क्षेत्रीय कार्यालय जनकपुर मुजेलिया र विराटनगर अन्तर्गत काम गर्ने ३ सय ५० मिटर रिडर कामकाज ठप्प गरेर आन्दोलनमा उत्रेका थिए ।

पहाडी जिल्लाका मिटर रिडरहरुलाई ज्यालादारीमा राखे पनि महोत्तरी, धनुषा, सिरहा, सप्तरी, सुनसरी, मोरङलगायत तराई जिल्लाका मिटर रिडर गोटा रिडिङमा काम गर्दै आएको उनीहरुको भनाई छ ।

मिटर रिडरहरुले पहाडी जिल्लाका मिटर रिडर सरह ज्यालादारी श्रेणीमा काम गर्न पाउनुपर्ने माग गर्दै क्षेत्रीय विद्युत प्राधिकरण जनकपुरमा धर्ना दिँदै आएका थिए । सरकारले आफूहरुको माग चाँडै पूरा नगरे तिहारपछि दोश्रो चरणको कडा आन्दोलनको कार्यक्रम घोषणा गर्ने मिटर रिडरहरुले चेतावनी समेत दिएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।