नेपालले त्रिदेशीय टी–ट्वान्टी शृङ्खलाको पहिलो खेल नामिबियासँग खेल्ने

 माघ २७, २०८० शनिबार ९:२३:५८ | उज्यालो सहकर्मी
unn.prixa.net

काठमाण्डौ – नेपालले त्रिदेशीय टी–ट्वान्टी शृङ्खलाको पहिलो खेल नामिबियासँग खेल्ने भएको छ । खेल कीर्तिपुरमा रहेको त्रिवि क्रिकेट मैदानमा आउँदो फागुन १५ गते हुने छ । नेपाल क्रिकेट सङ्घ (क्यान)ले हिजो शृङ्खलाको खेल तालिका सार्वजनिक गरेको हो । 

डबल राउण्ड रोबिनका आधारमा हुने शृङ्खलामा नेपालले दोस्रो खेल फागुन १६ गते नेदरल्याण्ड्ससँग खेल्नेछ । यसैगरी नेपालले लिग चरणको तेस्रो खेल फागुन १८ गते नामिबियासँग तथा लिग चरणको अन्तिम खेल फागुन १९ गते नेदरल्याण्ड्ससँग खेल्ने क्यानले जनाएको छ । फागुन २२ गते शृङ्खलाको फाइनल खेल हुनेछ ।

अन्तिम अपडेट: फागुन १७, २०८०

तपाईको प्रतिक्रिया