पहाडी भेगको मौसम आंशिक बदली, पर्सि केही ठाउँमा पानी पर्ने सम्भावना

 फागुन १७, २०८० बिहिबार ९:१४:२० | उज्यालो सहकर्मी
unn.prixa.net

फाइल तस्बिर

काठमाण्डौ – देशका पहाडी भेगको मौसम आज आंशिक बदली रहेको छ । काठमाण्डौ उपत्यका लगायत देशका पहाडी भेगमा मौसम आंशिकदेखि सामान्य बदली रहेको मौसम पूर्वानुमान महाशाखाले जनाएको छ ।

कोशी, बाग्मती र गण्डकी प्रदेशका पहाडी भूभागमा आंशिक बदली भइ अन्य भूभागमा भने मौसम सफा रहने मौसमविद् गोविन्द झाले बताउनुभयो । त्यस्तै कोशी र गण्डकी प्रदेशका उच्च पहाडी तथा हिमाली क्षेत्रका एक, दुई ठाउँमा हल्का हिमपातको सम्भावना रहेको छ । तराई तथा मधेशमा भने अहिले हुस्सु लागिरहेको भए पनि दिउँसो मौसम सफा रहने महाशाखाले जनाएको छ ।

मौसमविद् झाका अनुसार भोलि बेलुका पश्चिमी न्यून चापीय प्रणाली भित्रिन लागेकोले गण्डकी, लुम्बिनी, कर्णाली तथा सुदूपश्चिमका केही ठाउँमा पर्सि शनिवार हल्का वर्षाको सम्भावना रहेको छ ।

अन्तिम अपडेट: बैशाख ९, २०८१

तपाईको प्रतिक्रिया