समय अगावै जन्मिने बच्चाको आँखामा जालो लाग्ने समस्या

फागुन २१, २०८० सोमबार १३:३:४८ | उज्यालो सहकर्मी

काठमाण्डौ – समय अगावै जन्मिने बच्चाको आँखामा अन्धोपना ल्याउन सक्ने ‘रेटिनोपेथी अफ प्रिमेचुरिटी’ (आरओपी) रोगका बिरामी बढ्न थालेका छन् । आँखाको भित्रि भाग अर्थात आँखाको पर्दामा जालो लाग्ने समस्यालाई आरओपी भन्ने गरिन्छ ।

सामान्य रुपमा गर्भ रहेको ४० हप्तापछि बच्चा जन्मँदा उनीहरुको सबै अङ्ग आवश्यकता अनुसार विकास भइसकेको हुन्छ । तर समय अगावै , २४ हप्तादेखि बच्चा जन्मेका उदाहरणहरु पनि थुप्रै छन् । उनीहरुमा अरु विभिन्न स्वास्थ्य समस्यासँगै आँखाको समस्या पनि प्रमुख रुपमा देखा पर्छ ।

उनीहरु कम तौलका हुने, आँखाको पर्दा अर्थात (रेटिना) राम्रोसँग विकसित नहुने र राम्रोसँग सास फेर्न नसक्ने भएकाले उनीहरूलाई नियोनेटल इन्टेन्सिभ केयर युनिट (एनआइसियू) मा राखेर उपचार गर्नुपर्छ । यस्ता बच्चाहरुको आँखामा हुने समस्या पहिचान गर्न जन्मेको ३ हप्तादेखि आँखाको जाँच गराउन जरूरी रहेको डाक्टरहरुले बताएका छन् ।

कान्ति बाल अस्पतालमा भएको अध्ययनअनुसार ८१ जना समय नपुगि जन्मिएका बच्चामध्ये तीन जनामा आरओपीको समस्या देखा परेको त्रिवि शिक्षण अस्पताल महाराजगञ्जमा कार्यरत बाल नेत्ररोग विशेषज्ञ डा ज्योतिबाबा श्रेष्ठले बताउनुभयो । उहाँले समय अगावै जन्मिएको बच्चालाई भेन्टिलेटरमा अक्सिजन दिएर राखेकाले राम्रोसँग रेटिनाको तह बन्न नसक्ने बताउनुभयो ।

उनीहरूमा असामान्य रक्तनली हुने गर्छ, नयाँ नसा पलाउँछ र आँखाको पर्दा च्यातिने उहाँले बताउनु भयो । त्यसपछि धेरै जसो बच्चामा आँखाको भित्रि भाग अर्थात आँखाको पर्दामा जालो लाग्ने समस्या हुने उहाँको भनाइ छ । यस्तो समस्याको उपचार इन्जेक्न, लेजर र शल्यक्रियाको माध्यमबाट हुने डाक्टर ज्योतिबाबा श्रेष्ठले बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

समय अगावै जन्मिने बच्चाको आँखामा जालो लाग्ने समस्या

फाइल फाेटाे

तपाईको प्रतिक्रिया