खोटाङ र उदयपुर जोड्ने झोलुङ्गे पुलको टावर उठाउन शुरु

फागुन २९, २०८० मंगलबार १८:१०:९ | उज्यालो सहकर्मी

खोटाङ — निर्माणकै क्रममा ११ महिनाअघि ढलेको खोटाङको हलेसी तुवाचुङ नगरपालिका–२ डिकुवाको बाईटार र उदयपुरको कटारी नगरपालिकाका–१० सोरुङछबिसेको चिपटार जोड्ने झोलुङ्गे पुलको टावर उठाउन थालिएको छ । निर्माणका क्रममा गएको चैत १० गते ढलेको उदयपुरतर्फको पुलको टावर आज मङ्गलवारदेखि उठाउन थालिएको हो ।

निर्माण व्यवसायीले पुलको भाँचिएको टावर जोड्न शुरु गरेको डिकुवा आधारभूत विद्यालयका प्रधानाध्यापक प्रमेश तिलुङ राईले बताउनुभयो । नेपाल फूलवारी–स्वर्णिम–अन्सुमन जेभी काठमाण्डौले ३० महिनामा काम सक्नेगरी २०७६ साल वैशाख २६ गते पुल निर्माणको ठेक्का लिएको थियो ।

झोलुङ्गे पुलको सम्झौता म्याद २०७८ कात्तिक २६ गते नै गुज्रिसकेको छ । प्रदेश सरकारले पूर्वाधार विकास कार्यालय गाईघाटमार्फत उपलब्ध गराएको तीन करोड ५० लाख रुपैयाँमा पुल निर्माणको काम शुरु भएको थियो । पुल अभावमा साविकको डिकुवा–३ बाईटार र बलुई तथा साविकको डिकुवा–२ टारगाउँका झन्डै एक सय १० परिवार वर्षाैँदेखि डुङ्गा चढेर नदी वारपार गर्दै आएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्