काठमाण्डौ महानगर—८ मा पुरातात्विक तथा लोपोन्मुख वस्तुको खोजी र उत्खनन शुरु

चैत ४, २०८० आइतबार १२:३:४९ | उज्यालो सहकर्मी

काठमाण्डौ — काठमाण्डौ महानगरपालिका वडा नम्बर ८ भित्र रहेका ऐतिहासिक पुरातात्विक तथा लोपोन्मुख वस्तुहरूको खोजी र उत्खननकाे काम शुरु भएको छ । महानगरको सम्पदा तथा पर्यटन विभाग संयोजक एवम् वडाध्यक्ष आशामान सङ्गतको पहलमा वडाभित्र रहेका विभिन्न सांस्कृतिक तथा मासिएका कुवा, इनार, धारा, पाटीपौवालगायतको खोज, उत्खनन तथा अभिलेखीकरण गर्न थालिएको हो ।

वडामा रहेका नौ वटा इनार, नौ वटा डबली, नौ वटा ढोका, नौ वटा शक्तिपीठ, नौ वटा टोल, नौ वटा ढुङ्गेधारा, नौ वटा जात, नौ वटा पोखरी, नौ वटा पाटीपौवा तथा पुरातात्विक ऐतिहासिक संरचनाको संरक्षणका लागि पहल हुँदै आएको वडाध्यक्ष सङ्गतले बताउनुभयो । ताम्रेश्वर मन्दिर परिसरबाट वासुसशी गल्ली जाने तर्फको ऐतिहासिक, पुरातात्विक इनारको उत्खननसँगै वडाभित्र रहेका सम्पूर्ण ऐतिहासिक वस्तुहरूको पहिचान गर्ने वडाध्यक्ष सङ्गतले बताउनुभयो ।

जयवागेश्वरी युवा क्लबको अगाडि रहेको इन्द्रेश्वर महादेव परिसरमा रहेको इनारको पनि उत्खनन हुने भएको छ । त्यस्तै जयवागेश्वरीबाट पशुपतिनाथ मन्दिर परिसर जाने बाटोमा रहेको इनार तथा इटापाखाको पिपलबोटसँगै रहेको इनारसमेत खोजी गरी स–प्रमाण उत्खननकाे तयारी रहेको उहाँको भनाइ छ ।

झन्डै ५० वर्ष अगाडिदेखि स्थानीयबासिन्दाले त्यही इनारको पानी पिउने तथा ताम्रेश्वर महादेवलाई जल अर्पण गर्ने गरेकोमा बस्ती बाक्लो भएसँगै इनार पुरेर बाटो बनाएको हुनसक्ने अनुमान गरिएको छ । बस्ती विस्तार भएसँगै काठमाण्डौका अरू क्षेत्रमा पनि पाटीपौवा, धारा, इनार, डबलीलगायत लोप हुने र नासिने क्रम बढेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्