काठमाण्डाै – सरकारले दार्चुलादेखि ताप्लेजुङसम्म हिमालय पदमार्ग निर्माणका लागि सम्भाव्यता अध्ययन गर्ने भएको छ । आउँदाे आर्थिक वर्ष २०७८/०७९ को बजेट सार्वजनिक गर्दै अर्थ मन्त्री विष्णु पौडेलले यस्तो जानकारी गराउनुभएको हो ।

यस्तै पर्वतीय पर्यटकको सुरक्षाका लागि जीपीएस ट्र्याकिङसहितको सुरक्षा व्यवस्था गर्ने पनि अर्थ मन्त्री पौडेलले जानकारी दिनुभयो । यसैगरी काठमाण्डौ उपत्यका आसपासमा पदमार्ग तथा साइक्लिङ मार्गको स्थापना लगायत पर्यटन प्रवर्द्धनका कार्यक्रम बजेटमा समेटिएका छन् ।

सरकारले संस्कृति, पर्यटन तथा नागरिक उड्ययन मन्त्रालयलाई आउँदाे वर्षका लागि २७ अर्ब ४७ करोड रुपैयाँ बजेट विनियोजन गरेको छ ।

प्रधानमन्त्री तथा मन्त्रिपरिषद्को कार्यालय बालुवाटारमा अर्थ मन्त्री विष्णु पौडेलले आउँदो आर्थिक वर्षका लागि बजेट भाषण गरिरहनुभएको छ । चौतर्फी विरोध भइरहे पनि सरकारले आज अध्यादेशमार्फत आउँदो आर्थिक वर्ष २०७८–७९ को लागि बजेट सार्वजनिक गरिरहेको हो ।