काठमाण्डाै साक्षर जिल्ला घाेषित

असोज ४, २०७८ सोमबार १६:६:५७ | उज्यालो सहकर्मी

काठमाण्डाै – काठमाण्डाै जिल्लालाई साक्षर जिल्ला घोषणा गरिएको छ । आज सोमवार वाग्मती प्रदेशका सामाजिक विकास मन्त्री विजय सुवेदीले काठमाण्डाैलाई साक्षर जिल्ला घोषणा गर्नुभएको हो ।

काठमाण्डाैमा आयोजित कार्यक्रममा सामाजिक विकास मन्त्री सुवेदीले काठमाण्डाैकाे साक्षरता प्रतिशत ९६ दशमलव ८८ प्रतिशत रहेको भन्दै काठमाण्डाैलाई साक्षर जिल्ला घोषणा गरिएको बताउनुभयो । उहाँले काठमाण्डाैलाई साक्षर बनाउँदा धेरै खुसी मिलेको भन्दै अझै पूर्ण साक्षर बनाउन लागिपर्ने बताउनुभयो ।

सामाजिक विकास मन्त्री सुवेदीले भन्नुभयो, ‘साक्षरता अभियान जिल्ला समन्वय समिति काठमाण्डाै, साक्षरता अभियान जिल्ला समन्वय समिति काठमाण्डाैका संयोजकज्यूको प्रस्ताव र प्रचलित कानुनअनुसार काठमाण्डाैकाे साक्षरता प्रतिशत ९६ दशमलव ८८ प्रतिशत रहेकाले काठमाण्डाैलाई आज मिति २०७८//०६/०४ गते सोमवारका दिन साक्षर जिल्ला घोषणा गर्दछु, साक्षर बनाउँदा आज हामी जुन किसिमको खुसी व्यक्त गरिरहेका छौँ, यसपछाडिका हाम्रा धेरै खुड्किलाहरू पनि छन्, हामीले अरू धेरै कुराहरुलाई लिएर अघि बढ्नुपर्नेछ, त्यसैले अब त्योभन्दा बाँकीलाई साक्षर बनाउनुपर्नेछ, अहिले ललितपुर शतप्रतिशत साक्षर जिल्ला छ, त्यसैगरी काठमाण्डाैलाई पनि पूर्ण साक्षर बनाइनेछ ।’

शिक्षा विकास निर्देशनालयका निर्देशक चन्द्रप्रसाद लुइँटेलले शिक्षामा व्यवस्थापकीय चुनौती रहेको बताउनुभयो । स्राेत र साधन पर्याप्त भए पनि यसलाई व्यवस्थापन गर्न नसकेको उहाँले बताउनुभयो । निर्देशक लुइँटेलले शिक्षाको कार्यक्रममा र कार्यान्वयनमा जटिल समस्या रहेको भन्दै नेपालमा शिक्षाको अहिलेको अवस्था बसको इन्जिन नबनाइ झ्याल ढोका बनाउन थालिएको र इन्जिन मुग्लिनमा गएर जोड्नेजस्तो तरिकाले अघि बढिरहेको तर्क गर्नुभयो ।

त्यस्तै शिक्षा विज्ञान तथा प्रविधि मन्त्रालयका सचिव रामप्रसाद थपलियाले शिक्षा शाखामा काम गर्ने शिक्षा अधिकारीहरूलाई शिक्षालाई व्यवस्थित बनाएर लैजान अनुरोध गर्नुभयो । उहाँले प्राविधिक शिक्षा क्षेत्रमा बढी भन्दा बढी रकम लगानी गर्न अनुरोध गर्नुभयो ।

१५ देखि ६० वर्ष उमेर समूहका ९५ प्रतिशतभन्दा बढी नागरिक साक्षर भएको सुनिश्चित भएका क्षेत्र एवम्, जिल्ला र देशलाई साक्षर घोषणा गर्न सकिने शिक्षा मन्त्रालयको नीतिगत निर्णय छ । त्यहीअनुसार आज काठमाण्डाैलाई साक्षर जिल्ला घोषणा गरिएको हो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्