प्रेमप्रसाद आचार्यले उठाएका विषयमा छानबिन गर्ने सरकारको निर्णय

 माघ ११, २०७९ बुधबार १८:५०:५४ | उज्यालो सहकर्मी
unn.prixa.net

फाइल तस्बिर

काठमाण्डौ – आत्मदाह गरेका इलामका प्रेमप्रसाद आचार्यले उठाएका विषयमा सरकारले छानबिन गर्ने भएको छ ।

आज बसेको मन्त्रिपरिषद्को बैठकले आचार्यले उठाएका विषय निकै गम्भीर रहेको भन्दै छानबिन गर्ने निर्णय गरेको हो । बैठकले छानबिनको जिम्मा गृह मन्त्रालयलाई दिएको छ ।

जतिसक्यो चाँडो प्रतिवेदन तयार पारेर बुझाउनेगरी गृह मन्त्रालयलाई छानबिनको जिम्मेवारी तोकिएको एक मन्त्रीले जानकारी दिनु भएको छ ।

हिजो इलामका ३७ वर्षका आचार्यले नयाँ बानेश्वरको संसद् भवन बाहिर आफैँलाई आगो लगाउनुभएको थियो ।

उपचारका क्रममा उहाँको बिहान कीर्तिपुर अस्पतालमा उहाँको मृत्यु भएको छ । उहाँले आफूले उद्यम गर्ने सिलसिलामा बैंक, वित्तीय संस्था, विभिन्न सुपर मार्केट, व्यापारिक घराना, सरकारी कार्यालय लगायतबाट ठगिएको विषय फेसबुकमा पोष्ट गर्नुभएको थियो । यसै विषयमा सरकारले छानबिन गर्ने भएको हो ।  

अन्तिम अपडेट: माघ १२, २०७९

तपाईको प्रतिक्रिया