राष्ट्रिय भलिबल : आर्मीलाई हराउँदै गण्डकी तेस्राे

 पुस २६, २०८० बिहिबार १३:५९:२५ | उज्यालो सहकर्मी
unn.prixa.net

काठमाण्डाै – त्रिभुवन आर्मी क्लबलाई हराउँदै गण्डकी प्रदेशले ३४ औँ राष्ट्रिय पुरुष भलिबल प्रतियोगितामा तेस्राे स्थान प्राप्त गरेकाे छ ।

आज भएकाे खेलमा गण्डकीले विभागीय टाेली आर्मीलाई ३–१ काे सेटले हरायाे । गण्डकीले पहिलाे सेट २५–२२ ले जित्याे । दाेस्राे सेट आर्मीले २६–२४ ले जित्दै खेल १–१ काे बराबरीमा ल्यायाे । तर त्यसपछिकाे २ सेट जित्दै गण्डकी विजयी भयाे । गण्डकीले तेस्राे सेट २६–२४ र चाैथाे सेट २५–२२ ले जित्याे ।

प्रतियाेगितामा अहिले उपाधिका लागि साविक विजेता सशस्त्र प्रहरी बलकाे एपीएफ क्लब र नेपाल पुलिस खेलिरहेका छन् ।

अन्तिम अपडेट: चैत २८, २०८०

तपाईको प्रतिक्रिया