अक्षय कुमारको फिल्मी करियर : वेटरदेखि बलिउड सुपरस्टारसम्म

 भदौ २३, २०७६ सोमबार १९:२३:१३ | उज्यालो सहकर्मी
unn.prixa.net

सेप्टेम्बर ९ अर्थात् आज अक्षय कुमारको जन्मदिन हो । सन् १९९१ मा 'सौगन्ध' चलचित्रबाट बलिउड यात्रा सुरु गरेका अक्षय कुमारको जन्म सन् १९६७ सेप्टेम्बर ९ मा भएको थियो । 

बलिउडका खेलाडीका रुपमा चिनिने अक्षयको जीवन निकै संघर्षपूर्ण रहेको छ । सुपरस्टार बन्नुअघि उनले वेटरका रुपमा काम गरेका थिए । मेहनत, त्याग र अनुशासनले अक्षयलाई त्यो सफलता दियो, जसको बारेमा उनले पनि सोचेका थिएनन् । 

बलिउडका खेलाडी अक्षयको पढाइमा त्यति रुचि देखिँदैन । उनले डन बस्को स्कुलमा पढाइ गरेपछि दिल्लीको खालसा कलेजबाट स्नातकको डिग्री लिएपछि मार्शल आर्ट सिक्न बैंकक गए । 

उनको वास्तविक नाम राजीव हरि ओम भाटिया हो । अक्षयको जन्म अमृतसरमा भएको हो । पहिले केही समय पुरानो दिल्लीमा बसेपछि अक्षयको सबै परिवार मुम्बईमा शिफ्ट भएका थिए । 

स्कुलमा अक्षयका १० जनाको समूह थियो, जसलाई उनीहरुले ‘ब्लूडी डेन’ को नाम दिएका थिए । अक्ष्या तेक्वान्दोमा ब्ल्याक बेल्ट पनि हुन् । बाल्यकालदेखि नै उनको रुचि मार्शल आर्टमा थियो । उनले ८ कक्षादेखि नै ट्रेनिङ लिन सुरु गरेका थिए । 

चलचित्रमा आउनुअघि अक्षयले बैंककमा ‘मुए थाई’ पनि सिकेको बताइन्छ । यो थाइल्याण्डको कठिन मार्शल आर्ट हो, जसमा विभिन्न तरिकासँगै सिधा भएर प्रहार गरिन्छ । अक्षयले बैंककमा वेटरको रुपमा काम पनि गरे । उनले मार्शल आर्ट्समा आधारित वृत्तचित्र पनि सञ्चालन गरेका छन् । 

अक्षयलाई अनुशासनले बाँधेर राखेको छ । उनी प्रत्येक दिन बिहान ५ बज्नुअघि नै उठ्छन् । ६ बजेदेखि उनी आफ्नो काम सुरु गर्छन् सूर्यास्तअघि नै डिनर गर्छन् । 

अक्षय कुमार विश्वको सबैभन्दा धेरै कमाइ गर्ने अभिनेताको चौथो नम्बरमा पनि परेका छन् । फाेर्ब्स लिस्टमा अन्य कुनै भारतीय अभिनेताको नाम छैन, यही हिसाबले उनी भारतका सबैभन्दा धेरै कमाइ गर्ने अभिनेता बनेका छन् । 

फाेर्ब्सका अनुसार अक्षयको कुल सम्पत्ति ६९ मिलियन डलर (जुन २०१८ देखि जुन २०१९ सम्म) रहेको छ । अक्षय 'लग्जरी लाइफ' को शौखिन छन् । उनीसँग निजी विमान, महंगा भवन र कैँयौ महंगा गाडी पनि छन् ।  

अन्तिम अपडेट: जेठ ११, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया