काठमाण्डाै - बुद्धजयन्तीकाे अवसरमा आज देशभरका बौद्ध विहार, गुम्बा, स्तूप, चैत्य लगायतमा दर्शनार्थीकाे भिड लागेकाे छ । 

आज बुद्ध जन्मस्थल लुम्बिनी, काठमाण्डाैकाे स्वयम्भू, बौद्ध स्तूप, चाबहिलमा रहेकाे चारुमति विहार, काभ्रेपलाञ्चोकको नमोबुद्धलगायतका ठाउँमा पूजा र दर्शन गर्ने भक्तजनहरुको भिड लागेकाे हाे । 

सिद्धार्थ गौतमले विश्व शान्ति स्थापनाका लागि पुर्‍याएको योगदानको स्मरणस्वरूप बुद्ध जयन्ती मनाउने गरिन्छ । 

नेपालको लुम्बिनीमा ईसापूर्व ५६३ अर्थात् आजभन्दा २५६७ वर्षअघि सिद्धार्थ गौतमको जन्म वैशाख शुक्ल पूर्णिमाकै दिनमा भएको थियो । राजा शुद्धोधन र रानी मायादेवीको सुपुत्रका रुपमा जन्मिएका सिद्धार्थ गौतम २९ वर्षको उमेरमा घरबार र दरबार त्यागी ज्ञानको खोजीमा लाग्नुभएको थियो ।

६ वर्षको तपस्यापछि ३५ वर्षको उमेरमा ईसापूर्व ५२८ मा भारतको बौद्धगयामा वैशाख शुक्ल पूर्णिमाकै दिन सिद्धार्थ गौतमलाई बुद्धत्व प्राप्ति भएपछि भगवान बुद्धका रुपमा उहाँले विश्व प्रसिद्धि पाउनुभएको थियो।

यसैबीच, बुद्ध जयन्तीकाे अवसरमा सरकारले आज सार्वजनिक बिदा दिएको छ। 

सबै तस्बिर : रासस