अमेरिकाको क्यालिफोर्नियाका दशौँ लाख नागरिक बिजुली आपूर्तिबाट वञ्चित हुनसक्ने चेतावनी दिइएको छ  ।

क्यालिफोर्नियाको जङगलमा सल्किएको आगो निभाउने प्रयास गर्दै गर्दा दशौँ लाख मानिस बिजुली आपूर्तिबाट वञ्चित हुनसक्ने चेतावनी दिइएको बीबीसीले जनाएको छ । त्यहाँको मौसम विज्ञान विभागले क्यालिफोर्नियामा ठूलो हावाहुरी आउन सक्ने पूर्वानुमान गरेकाले आगो झन् फैलन सक्ने भएका कारण क्यालिफोर्निया राज्यका ३६ वटा स्टेशनमा बिजुली आपूर्ति बन्द गर्ने स्थिति आउन सक्ने प्यासिफिक ग्यास एन्ड इलेक्ट्रिकल क्यालिफोर्नियालाई उद्दृत गर्दै बीबीसीले जनाएको छ ।

सम्बन्धित समाचार

क्लालिफोर्नियामा फेरि फैलियो डढेलो : नौ जनाको ज्यान गयो, १ लाख ५० हजारभन्दा बढी विस्थापित

विश्वलाई २० प्रतिशत अक्सिजन दिने अमेजनको ४७ हजार वर्ग किमी जंगल आगलागीबाट नष्ट

---

हावाहुरीले विद्युतीय पूर्वाधारमा नोक्सानी पुर्‍याउने हुनाले नयाँ ठाउँमा आगलागी हुन सक्ने खबरमा उल्लेख छ । तीव्र गतिको हावाहुरीका कारण  विभिन्न वनमा आगो सल्किएपछि क्यालिफोर्नियाका झण्डै ५० हजार मानिसहरू घर छोडेर सुरक्षित ठाउँमा सरिसकेका छन् । लस एन्जलस र सोनोमा काउन्टीमा आपतकाल घोषणा गरिएको छ ।