काठमाण्डाै – काठमाण्डौ उपत्यकामा निषेधाज्ञा उल्लङ्घन् गरेर घरबाट निस्किएका ११ सय ७० जनालाई प्रहरीले केहिबेर होल्ड गरेर छाडेको छ ।

गएराति १२ बजेदेखि नै निषेधाज्ञा लागू भएकाले अति आवश्यक नपरी निस्किएकाहरुलाई केहीबेर होल्ड गरेर छाडिएको प्रहरीले जानकारी दिएको छ ।

सबैभन्दा धेरै ललितपुरमा ४ सय ९८ जना, काठमाण्डाैमा ४ सय ३७ जना र भक्तपुरमा २ सय ३५ जनालाई होल्ड गरेर छाडिएको हो । आज निषेधाज्ञाको पहिलो दिन भएकाले उनीहरुलाई केहिबेर होल्ड गरेर छाडिएको प्रहरीले जनाएको छ ।

यस्तै अहिलेसम्म निषेधाज्ञा उल्लङ्घन गरेका ६ सय ९८ मोटरसाइकल र स्कुटर तथा १ सय ९५ चार पाङ्ग्रे गरी ८ सय ९३ गाडीलाई पनि होल्ड गरिएको महानगरीय ट्राफिक प्रहरी महाशाखाले जनाएको छ ।

कोरोना भाइरसको सङ्क्रमण फैलिँदै गएकाले सरकारले काठमाण्डाै उपत्यकामा गएराति १२ बजेदेखि आउँदो बुधबार राति १२ बजेसम्मका लागि निषेधाज्ञा लागू गरेको छ । निषेधाज्ञा लागू भएकाले अत्यावश्यक कामबाहेक हिँड्नेलाई प्रहरीले रोकेको छ ।

मर्निङ वाक र इभिनिङ वाकमा समेत ननिस्कन प्रहरीले आग्रह गरेको छ । अतिआवश्यक बाहेकका कामका लागि निस्किएको पाइए सुरक्षाकर्मीले सङ्क्रामक रोग ऐन २०२० अनुसार कारवाही गर्नेछन् । यो ऐनमा आदेशलाई अपहेलना गर्ने व्यक्तिलाई एक महिनासम्म कैद वा एक सय रुपैयाँसम्म जरिवाना वा दुवै सजाय हुने व्यवस्था छ ।

त्यस्तै यो ऐनअन्तर्गत अधिकृत व्यक्तिलाई काममा बाधा पुर्‍याउनेलाई ६ महिनासम्म कैद वा ६ सय रुपैयाँसम्म जरिवाना वा दुवै सजाय हुने व्यवस्था छ ।

काठमाण्डौ उपत्यकामा जारी निषेधाज्ञाको पहिलो दिन–